மாசி திங்கள்

வியாழன் கவி 2292

மாசி திங்கள்..
மாசித் திங்கள் மனதோரம் சாரல்
மனதை வருடும் நாட்களின் சேரல்
குறுகிய காலத்தின் மென்மைவருடல்
அறுதியாய் அழகாய் பிறந்ததே சீராம்..

சிவன் இராத்திரி பக்தியின் இராகம்
சிறப்பொடு விழி திறந்தே வாங்கும் வரம்
கரங்களில் நம்பிக்கை கூடும் வாரம்
குறையேது பன்னிரண்டில் பசும் ஈரம்..

தையுக்கு அடுத்த செல்ல மங்கை
மனதை தைத்து நகரும் சிந்தை
மூசிப் பெய்யும் பனியின் விந்தை
முனகாது பொழியும் பூம்பனி மகிமை..
சிவதர்சனி இராகவன்
19/2/2026

Author: arunwebhosting@gmail.com